3 Lirik Lagu Mentawai Terbaik Sasaraina, Besik Sanang Nia Musikola, Kapugettekat, Silainge Mentawai Sabau Sabau
1. Sasaraina
Sasaraina simanuntu bagakku
Konan lek kam ta puabak
Matoro lakgo' teteret muanggau
Mangka baga ka bebe' koat
Itco' pei kam tobbou si goiso' taleu
Bulat malainge ta itco' nia
Itco' pei kam ka koat muturu'
Bulat malainge laggaita
Reff:
Mentawai.. Mentawai
Tai okko ra simalainge
Samba maigi paogo-ogok galai nia
Tasesegek bagatta masikinere'
Koat simalimun sigorak ake baga'ku
Maletsetnia sirimanua nia
2. Besik Sanang Nia Musikola
Kasara gogoi ku kaddiu ake pututukat mataku
Kukaddiu ake saeppuku samba leu saaleiku
Kugaba pusoppinan kalaggai sirimanua
Rakaroni aku baga samberi saeppuku
Kenanen ai aku kasareunan
Tapoi aikam kapaatuatku
Kenanen ai aku kasareunan
Senen gogoi kurepdem ekeu
Besik sanang nia musikola
Kuorik nia kapuekpangan
Ngena ake aku oi laggaiku
Kutoili minca ka mentawai
3. Kapugettekat
Konan kam saalei alak tegle mui
Mei sita mukarajo ka pugettekat
Asa tegle mui bule imalauru
Kei ta abbit pu seksek samba leu loina
Reff:
Maangka bagatta samba mangamang
Kenanen masulu samba maurat
Maangka bagatta samba mangamang
Kenanen masulu samba maurat
Kau tagalainia tektek ka bakkat
Saklu simakolou bulek imalina
Loijuake polak ka angkat baga
Patarek uremen ta urepkam nia
4. Silainge Mentawai
Mugejek le mugejek ku galai sisoibok
Samba saalei ku ku ei kai mugejek
Masigaba siokko simaeru tubu
Simaigi gaya lek nia
Bulat mabelek le bagakku bagi
Tak anuobak aku
Sasareu le poi nuobak bagi
Silainge mentawai tak nuobak
Mabelek le bagakku tak nuobak aku
Makurang le gaya ku aikua sibagi
Sasareu le poi nuobak bagi
Silainge mentawai tak nuoba
Bulat mabelekle bagakku bagi
Tak anuobak aku
Sasareu lek poi nuobak bagi
Silainge mentawai tak nuobak
Obak nu kelek loloi le
Orek nu ngena tangeu le
Bojoi bagi tak marok bagakku
Bojoi bagi tak marok bagakku
5. Sabau Sabau
Sabau-sabau ekeu bagi oi
Kamatat lalep ku
Kode kungan ekeu bagi oi
Tak nuobak kode
Sabau-sabau ekeu bagi oi
Kamatat lalep ku
Kode kungan ekeu bagi oi
Tak nuobak kode
Bagaya bagaya
Tak malaku ekeu
Kenanen siokko makurang pengalaman
Kenanen sigalangen maigi pengalaman
Belum ada Komentar untuk "3 Lirik Lagu Mentawai Terbaik Sasaraina, Besik Sanang Nia Musikola, Kapugettekat, Silainge Mentawai Sabau Sabau"
Posting Komentar